ஊமத்தம் பூவிற்கு ஏனிந்த ஆசை!!

ஊமத்தை இலங்கையில் உள்ள பெரும்பாலான மாவட்டங்களில் சாலை ஓரங்கள், தரிசு நிலங்களில் நாம் அதிகமாக காணலாம். உம்மத்தை, ஊமத்தான், உன்மத்தம், வெள்ளுமத்தை, காட்டு ஊமத்தை ஆகிய பெயர்களும் உண்டு. ஊமத்தை பூ சிவபெருமான் வழிபாட்டில் தொடர்புடையதாகக் கருதப்படுகிறது. இயற்கை வைத்தியத்தில் ஊமத்தை ஆனது காதுவலி, மூட்டு வாதம் போன்ற பல்வேறு நோய்களுக்கு மருந்தாக பாவிக்கப்டுகின்றது. சிலர் இதன் இலைகளை சுருட்டி புகைப்பிடிப்பர். இவ்வாறு செய்வதினால் சுவாச நோய்கள் நீங்கும் எனவும் நம்புகின்றனர். ஊமத்தையில் வெள்ளை ஊமத்தை, பொன்னூமத்தை,கருஊமத்தை எனும் வகைகள் உண்டு.

எம்மில் பலருக்கு ஊமத்தை ஆனது ஓர் நச்சு தாவரம் என தெரிய வருவதில்லை. Datura stramonium (thorn apple/ moon flower/ hell’s bells/ devil’s trumpet/devil’s weed/ tolguacha/Jamestown weed/ stinkweed) என்ற தாவரவியல் பெயரில் இது அழைக்கப்படுகின்றது. இத்தாவரத்தின் பூ, இலை மற்றும் காய் போன்றவை நச்சு தன்மையானவை. இவற்றில் atropine, hyoscyamine, scopolamine ஆகிய நச்சு பொருட்கள் அடங்கியுள்ளன. மேலும் இதன் விதைகள் மிக்க நச்சுத்தன்மையானவை ஒரு காயில் இருக்கும் விதைகளை ஒருவர் பூரணமாக உடகொள்வாரெனில் மரணம் நிச்சயமானது.
முற்றும்